ငြိမ်းချမ်းရေး ရင်ခွင့်(၆)

   ကိလေသာတွေကြောင့် ။

ဒေါသ။  စေတသိက်က  စိတ်ကိုမှီတွယ်နေချိန်မှာလည်း စိတ်ဟာ ဒေါသစိတ်ဖြစ်နေတတ်တယ် ။စိတ် ပူလောင်နေတယ် ။ဒါပေမဲ့ ဒေါသ
ဖြစ်နေတဲ့ လူက ပူလောင်နေမှန်းမသိဘူး ။ချိုမြိန်ကောင်းမွန်တဲ့ အရသာတခုဖြစ် ခံစားနေတတ်တယ် ။ငါက ဒီလိုလုပ်တတ်တယ် -ပြော
တတ်တယ် -ငါ့ကို တစ်ကောင်မှ ပြန်မပြောရဲကြဘူး ဆိုပြီး ဂုဏ်တောင်ယူလိုက်သေးတယ် တကယ်တော့ “ဒေါသ ကိလေသာ”မီးလောင်
နေတာပါ ဒါကို “ဗုဒ္ဓ”က ဒေါသသည် ဖြစ်နေချိန်မှာ “ချို“တဲံ အရသာရှိတယ် လို့ ဟောခဲ့ပါတယ် ဒေါသ ဟာ ကြောက်စရာ အလွန်ကောင်းတဲ့ ကိလေသာ ပါ ဗုဒ္ဓ သည် ထိုဒေါသ ၏ အပြစ်များကို “ပစ္စုပ္ပန်” “တမလွန်” နှစ်တန်ခွဲပြီး ဟောခဲ့ပါတယ် ။ဒေါသကြီးသူ
တစ်ယောက် လက်ရှိ ရနိုင်တဲ့ အပြစ်များမှာ။
၁။ရန်များခြင်း-၂ ။အပြစ်များခြင်း -၃ ။လူများက မုန်းတီခြင် -၄ ။သေတဲ့အခါ တွေဝေမိမောပြီးသေရခြင်းရခြင်းတို့ဖြစ်ပါတယ် -သေပြီး
နောက် ရလာမဲ့ -တမလွန် အပြစ်ကတော့ မကောင်းတဲ့ “ဒုဂ္ဂတိ” ဘုံသို့လားရခြင်းပါ -ဒုဂ္ဂတိ ဘုံ (၄)မျိုးရှိပါတယ် -။ ငရဲ -တိရစ္ဆန်-ပိတ္တာ-
အသူရကယ်-ဒီ-၄-ဘုံထဲ  တစ်ဘုံဘုံကိုရောက်ရမှာပါ သည်မျှ ကြောက်စရာကောင်းတဲ့ ဒေါသ ကိလေသာက စိတ်ကို ပူးကပ်လာရင် စိတ်
ဟာ ဘယ်လိုလုပ် ငြိမ်းချမ်းတော့မှာလဲ “ရောဇ”ဆိုတဲ့ ဘုရင်တစ်ပါး ဒေါသကြီးလွန်းလို့  တိုင်းသူပြည်သားမျာ မုန်းလာတဲ့အခါ ဘုရင့်
နေရာက ဆင်းပေးခဲ့ရပါတယ် ။
မောဟ- စေတသိက်က စိတ် ကိုမှီတွယ်နေပြန်ရင်လည်း ငါ ဆိုတဲ့ အတ္တက ဦးစီးပြီး။ အမှား-အမှန် မသိတော့ဘူး သူလုပ်တာမှန်သမျှ
အကုန်ကောင်းတယ် အကုန်မှန်တယ် ဘယ်သူမှ ပြန်မပြောနဲ့ ဆိုတာမျိုးဖြစ်လာတတ်တယ် ဒီကိလေသာက ပိုပြီးတောင်  ပူလောင်ပါသေးတယ် ။
မာန-စေတသိက် ဖြစ်တော့လည်း -ငါတတ်တယ် -ငါသိတယ် -ငါမြင်တယ် -ငါကောင်းတယ် -ငါတော်တယ် -ငါ့လောက်တတ်တာ-သိတာ
့မြင်တာ-တော်တာ-ကောင်းတာ ဘယ်ကောင်မှမရှိဘူး ။ကိုယ့်ထမင်းကိုယ်စားနေတာ ဘယ်ကောင်မှလာမပြောနဲ့ ဖြစ်လာပြန်ရော။ဒါတွေ
ဟာ ကိလေသာတွေပါ အပြိုင် ဆိုင်လုပ်လိုတာတွေ-မော် ကြွားချင်တာတွေ ဖြစ်လာတတ်တယ်-ကိလေသာတွေပေါ့ -ဘယ်လိုနည်းနဲ့မှ
မငြိမ်းချမ်း နိုင်ိပါဘူး ။
ဒိဋ္ဌိ-ဒီ ဒိဋ္ဌိ စေတသိက်က စိတ်ကို လာပူးကပ်နေချိန်  “စိတ်” ဟာ အတွေးခေါ် -အကြံစည်တွေ မှားပြီး- ကပြောင်းကပြန် ပြောတတ်-လုပ်
တတ်-ကြံစည်တတ်လာတယ်-ဘုရားဆိုတာဘာလဲ -တရားဆိုတာဘာလဲ -သံဃာဆိုတာဘာလဲ-ဘုရားဟောတဲ့ တရားဆိုတာ အလကား။
မိဘ -ဆရာသမားဆိုတာလည်း ဘာမှမဟုတ်ဘူး။ တချို့ ပြောတာတွေ ဦးဇင်းကြားဖူးပါတယ် -“မိဘ”တွေ ကျေးဇူးကြီးတယ်ဆိုတာ အလ
ကားပဲ---တဲ့ ၊“သူမွေး”ထားလို့ ကျွေရတာ ဘယ်လိုလုပ်ပြီး ကျေးဇူးကြီးတာလဲ -အပလာတွေပါ ၊အဲလိုပြောကြတယ် ။
အလွန့် အလွန် ကြောက်စရာကောင်းပါတယ် -ဒါကြောင့် လူတစ်ယောက်မှာ အကြံစည်မမှားဖို့ သိပ်အရေးကြီးပါတယ် “အကြံစည်မှား
ရင်-အတွေးခေါ်မှားတယ် -အတွေးခေါ်မှားရင် -အမြင်မှားတတ်တယ် -အမြင်မှားရင်-အလုပ်မှားတတ်တယ် ”-ဒါကို စာပေအရပြောရင် -
“မိစ္ဆာဒိဋ္ဌိ ကြောင့်-မိစ္ဆာသင်္ကပ္ပ ဖြစ်တယ် -မိစ္ဆာ သင်္ကပ္ပကြောင့်-မိစ္ဆာ ဒဿနဖြစ်တယ် -မိစ္ဆာ ဒဿနကြောင့်-မိစ္ဆာ ဝါယမဖြစ်တယ် ။ဒါတွေ
ဟာ “မိစ္ဆာဒိဋ္ဌိ အုပ်စုတွေပါ -ဒီကိလေသာရဲ့ အပြစ်က မည်မျှကြောက့်စရာကောင်းသလဲ ဆိုရင်-တခြားသောအလုပ်တွေကြောင့် “အပြစ်”
ခံရတဲ့ သူတွေမှာ အကြီးမားဆုံး အပြစ်ဖြစ်ခဲ့လျှင်၊“ဒီကမ္ဘာ ”သက်တန်းကုန်သည့် နေ့ထိခံရပါတယ် ။တခြားကမ္ဘာသို့ ကူးပြောင်းသည့်
အခါ အကုန် လွတ်ငြိမ်းခွင့်ရပါတယ် ။“မိစ္ဆာဒိဋ္ဌိ”သမားတွေကတော့ ထို ကမ္ဘာသစ်ထိ လိုက်ပြီး  အပြစ်ခံကြရပါတယ် ။ဒါဟာ ဒိဋ္ဌိကိလေသာ
၏-ပူလောင်မှု-လောင်ကျွမ်းမှုပါ ။
ဝိစိကိစ္ဆ။ စေတသိက်က စိတ်ကို ချယ်လှယ်လာတဲ့အခါမှာလည်း ၊စ်ိတ်ဟာ ကယောင်ချောက်ချားဖြစ်ပြီး ။ဘယ်အရာကိုမှ ဆုံးဖြတ်မရ
ဖြစ်တတ်ပါတယ်။ဘုရားဆိုတာ တကယ် ဟုတ်ရဲ့လား၊ တရားဆိုတာဟုတ်ရဲ့လား၊သံဃာဆိုတာဟုတ်ရဲ့လား၊ဒါနပြုလို့ ကုသိုလ်ရတယ် ဆိုတာဟုတ်ရဲ့လား။သီလဆောက်တည်လို့ ကုသိုလ်ရတာဟုတ်ရဲ့လား၊တရာထိုင်လို့ ကုသိုလ်ရရဲ့လား။မိဘ ဆရာသမားကို လုပ်ကျွေးလို့
ကုသိုလ်ရရဲ့လား စသော သံသယတွေဖြစ်ပြီး စိတ် ပူလောင်နေတတ်ပါတယ် ။
ထိန။စေတသိက် ဖြစ်ရင်လည်း လူတွေဟာ ဘာမှမလုပ်ချင်၊မကိုင်ချင်ဖြစ်ပြီး ၊ထိုင်းမှိုင်းနေတတ်ပါတယ် ။တခါခါအကုန်ဖြစ်ဖူးကြမှာပါ ။
ဒါဟာ ထိန စေတသိက် ဆိုတဲ့ “ကိလေသာ ”ဖြစ်နေတာပါ။
ဥဒ္ဓစ္စ။စေတသိက်က စ်ိတ်ကိုပြီး မွှေနှောက်ရင်လည်း စိတ်သည် မတည်မငြိမ်ဖြစ်ပြီး ၊ရူးကြောင်ကြောင်-ပေါ့ တိုးတိုးဖြစ်နေတတ်တယ် ။
ဘယ်အလုပ်မှာမှ စိတ်မဝင်စားပဲ ၊ စိတ် ညစ်ညမ်းနေတတ်တယ် ။ဥဒ္ဓစ္စ ကိလေသာကြောင့်ပါ ။
အဟိရိက။ စေတသိက်ဖြစ်လာရင်တော့  စိတ်ဟာ အတော်ကြောက်စရာ ကောင်းပါတယ် ။မကောင်းမှု မှန်သမျှလုပ်ရမှာ ဝန်မလေးတော့
ဘူး ။မရှက်တော့ဘူး၊မကောင်းတာ အားလုံးကို လုပ်ဖို့ အဆင်သင့် ဖြစ်လာတယ် ၊အရှက်တရားဟာ လောက လူနေမှု အတွက် သိပ်အရေးကြီးပါတယ် ဒီကနေ့သည် အရှက်တရားတွေလည်း မရှိတော့သလောက်ဖြစ်နေပါပြီး ဒါကြောင့်လည်း လောက ပိုပြီး ပူလောင်
လသလားထင်မိပါတယ် ဒီလိုအရှက်တရား ကင်းမဲ့လာခြင်းဟာ “အဟိရိက” ကိလေသာကြောင့်ပါ ။
အနောတ္တပ္ပ ။စေတသိက်လည်း ထို့အတူပါ မကောင်းတာဘာဘဲလုပ်ရလုပ်ရ ကြောက်တယ် မရှိဘူး ဘုရားလည်းသတ်၊တရားလည်းဖျက်၊
သံဃာလည်းသတ်၊မိဘ ဆရာသမားတွေလည်းသတ်ပေါ့ ။ဘာတွေဘဲ သတ်ရသတ်ရ လုပ်ရလုပ်ရ မကြောက်ဘူး ။အနောတ္တပ္ပကိလေသာ
ပေါ့ ။ကြောက်စရာသိပ်ကောင်းပါတယ် -ခု ဦးဇင်း ရေးလာခဲ့တာတွေ အာလုံး“ကိလေသာ”တွေပါ ။ကိလေသာမှန်သမျှ စိတ်ကို ပူလောင်
စေတတ် နှိပ်စက်တတ်တဲ့တရားတွေပါ ။ဒီတရားများကြောင့် လူတို့ စိတ်သည် ပူလောင် ညစ် ညမ်းနေခြင်းဖြစ်ပါတယ် ။ဒါတွေကို “သီလ”
နဲ့ ဆေးကြောပေးကြရမယ် ။ဒါမှ စိတ်က အရှိန်ဝါ မြှင့်မားလာမှာဖြစ်ပါတယ် ၊စိတ်စွမ်းအင်တက်လာမှာ ဖြစ်ပါတယ် ။စိတ်အရှိန်ဝါမြှင့်မား

ဖို့ ၊စွမ်းအင် တိုးတက်ဖို့  “သီလ” နဲ့ ဘယ်လို ဆေးကြောရမလဲ-------ငြိမ်းချမ်းရေး ရင်ခွင်----၇--သို့----